紅樹林被公認係高生態價值嘅海岸生境，而棚屋亦都係極具人文意義嘅社會資產，兩者喺過往幾十年喺大澳默默毗連共存，但兩者嘅相互影響又係點樣嘅呢？長春社及香港都會大學喺得到大嶼山保育基金嘅支持下，喺2021年11月開始合作進行「綜合環境及人文角度去探究大澳紅樹林的功能」研究。一方面進行咗生態調查，分析大澳當地嘅土壤、水以及紅樹嘅樣本，以科學數據嘅方式了解紅樹林嘅環境功能（包括污水處理、碳存量、及生物多樣性）；另一方面我哋亦訪問咗大澳居民以及遊客，以社區角度認識紅樹林嘅人文價值。
經過將近540日嘅努力，我哋嘅調查亦都嚟到尾聲，為咗俾公眾更了解大澳紅樹林嘅奧秘，我哋將會去到大澳一座歷史悠久嘅建築內舉辦一連兩日嘅「登『紅』走『綠』── 大澳紅樹．人的交匯」 分享展！內容不但包括今次研究嘅結果，更會展出紅樹林以及其生態環境嘅神秘面貌，以及大澳居民嘅心聲，希望能夠展示科研成果之餘，參觀者可以有沉浸式嘅體驗。睇完展覽，參觀者更有機會參加由長春社保育經理吳英嬋博士所帶領嘅紅樹林導賞，親身探索紅樹林同大澳棚屋。
「登『紅』走『綠』── 大澳紅樹．人的交匯」 分享展
日期︰2023年6月17-18日（星期六、日）
地點︰茂里次所（大澳街市街11號一樓，該樓宇沒有電梯提供）
開放時間︰10:00 – 17:00
分享形式：室内展覽（公衆可免費入場，無須預約）、紅樹林廣東話導賞（需提早報名）
報名導賞：請於6月14日前透過以下連結報名參加。導賞活動名額有限，先到先得。
查詢︰2272 0306 / lingli@cahk.org.hk
