「賽馬會惜樹靈人——聲球小夥伴：愛樹同行」展覽
由香港賽馬會慈善信託基金捐助，長春社即將聯同行星製作攜手推出「賽馬會惜樹靈人——聲球小夥伴：愛樹同行」展覽！展覽由2024年7月26日開始，喺賽馬會-長春社綠滿林廊舉行。
- 展覽日期及時間：2024年7月26日至8月31日上午11時至晚上7時
- 展覽地點：賽馬會-長春社綠滿林廊，九龍深水埗欽州街西26號（南昌站D1出口）
暑假嚟喇！太陽咁猛烈，有樹遮蔭真係舒服好多！樹木梗係唔止呢種好處啦～所以綠滿林廊請左班好cute既聲球小夥伴，為大小朋友設計咗一系列有關愛樹賞樹同環保惜物既展覽同工作坊，一件件精心設計嘅展品，特別重點推薦由膠樽、紙皮箱等廢棄物料精心拼砌而成嘅1.4米高嘅聲球小夥伴主角「金寶寶」！
展覽舉行期間，仲會免費提供一共六場環保藝術工作坊，俾參加者學習製作環保小品，例如：利用紙漿製作聲球小夥伴角色公仔，或者用樹葉樹枝拼貼自畫像等等，發掘重用樹木資源嘅可能性！更加唔好錯過兩場手偶劇場、仲有「聲球小夥伴深水埗樹木尋寶」定格動畫短片首映！
同場仲有「聲球小夥伴」特別聯乘本地回收和教育團體「喵坊」嘅週邊選購。每售出一件Tee或抱枕將有港幣30元捐予長春社作樹木教育經費。而購買環保 Tee扣除成本後的收益將更會撥捐喵坊購置棉麻打漿機之用。
由於得到香港賽馬會慈善信託基金捐助，展覽入場費用、工作坊費用全免。仲唔快啲帶埋屋企人嚟，俾小朋友一個有得學有得玩嘅暑假！
主辦：長春社
捐助機構: 香港賽馬會慈善信託基金
全力策劃：行聲製作有限公司
「賽馬會惜樹靈人」由長春社主辦、香港賽馬會慈善信託基金贊助。讓我們一同走進深水埗社區，漫步於城市森林之中。欣賞大樹之美的同時，亦發掘城市森林在社區中的角色和更多可能性。
